Duke komentuar vendimin e Gjykatës për dënimin e ish-ministrit të Brendshëm, Saimir Tahiri, gazetari investigativ, Artan Hoxha, ka bërë një batutë gjatë emisionit “Të paekzpozuarit”.
“Lazarati bëri festë për dënimin e Saimir Tahirit”, tha Hoxha duke iu referuar operacionit të qershorit 2014 kur Policia e Shtetit asaj kohe nën drejtimin e Artan Didit hyri në Lazarat për të shkatërruar parcelat me kanabis në fshatin që ishte kthyer në simbol të kultivimit të drogës në të gjithë Europën.
Ish-ministri i Brendshëm u dënua me 3 vite e 4 muaj burg për veprën penale “Shpërdorim Detyre”. Sot ai u transferua në burgun e Fierit për të vuajtur dënimin. Avokati mbrojtës ndërkohë pritet të bëjë rekurs të vendimit në Gjykatën e Lartë për të kërkuar pafajësinë e klientit të tij. ©argjiroja.net
