Artistja dhe poetja nga Florida, Kimberly Marasco, ka ngritur një padi të dytë të përditësuar kundër këngëtares Taylor Swift, kompozitorit Aaron Dessner dhe kompanive Universal Music Group dhe Republic Records, duke kërkuar të gjitha fitimet nga disa prej këngëve të Swift-it që ajo pretendon se përmbajnë materiale të saj të mbrojtura me të drejtë autori.
Sipas padisë, Marasco – e cila po përfaqëson veten – pretendon se poezitë e saj janë përdorur pa leje në këngë dhe video të albumeve “Lover”, “Folklore”, “Midnights” dhe “The Tortured Poets Department”. Ajo kërkon kthimin e fitimeve, një term ligjor që synon të përcaktojë se sa përfitime financiare kanë dalë nga materiali i dyshuar.
Eksperti ligjor Neama Rahmani e ka cilësuar kërkesën si ambicioze, por me gjasa të ulëta suksesi, duke theksuar se vetëpërfaqësimi i Marascos tregon një pozitë të dobët ligjore. Nëse padi do të fitohej, çdo përfitim i realizuar nga këngët e përmendura do t’i transferohej paditëses.
Kjo është hera e dytë që Marasco e padit Swift-in, pasi çështja e mëparshme u rrëzua për arsye procedurale.
Avokatët e këngëtares e kanë quajtur padinë “krejtësisht të pabazë”, ndërsa Marasco kërkon dëmshpërblim financiar, lehtësim gjyqësor dhe një gjykim me juri për të gjitha pretendimet.
