Ndonëse u bë java që kur 19-vjeçarja shqiptare, Artemis Vasili u zhduk në Koropi të Greqisë, ende asnjë lajm për të. Familjarët të dëshpëruar i kërkojnë asaj të kthehet në shtëpi, ndërsa edhe ata vetë krahas policisë nuk i kanë ndaluar kërkimet. Dëshmitë më të fundit për Artemisën bëjnë me dije se ajo është parë në rrugët kryesore të Athinës në një gjendje shumë të rënduar psikologjike.
Indicia më e fundit që policia është vala telefonike nga telefoni celular i vajzës, që u shfaq në antenën e një kompanie në zonën më të gjerë të Paiania dhe Koropi.
Policia është duke kontrolluar të gjitha kamerat e sigurisë për të parë lëvizjet e saj në Paiania dhe Pallini ndërsa në të njëjtën kohë ata po përpiqen të hetojnë të gjithë ata dëshmitë që kanë arritur në Komisariat.
Po ashtu janë bërë të gjitha procedurat e nevojshme për të hapur llogaritë e 19-vjeçares dhe për të zbuluar me kë kishte folur dhe me të cilin kishte kontaktuar herën e fundit para zhdukjes së saj.
Hetimet përqendrohen në rrethin e saj shoqëror
Ditën që Artemis u zhduk ajo kishte lajmëruar familjes se ishte duke shkuar për intervistë në një dyqan lodrash.
Prindërit ishin të qetë se fëmija i tyre do të shkonte atje, por sipas hetimit të policisë, Artemis kurrë nuk shkoi dhe autoritetet tani po e përqendrojnë hetimin tek rrethi i saj shoqëror.
Njohja me një djalë në facebook
Sipas familjes së saj, Artemis kishte takuar një 24-vjeçar përmes Facebook dhe rrallë kishte dalë me të, pasi prindërit e saj nuk ishin pozitivë në lidhje me këtë njohje.
Babai i Artemis, thotë se ai di shumë pak për të riun dhe së fundmi ajo i kishte dhënë fund kësaj marrëdhënieje. Kohët e fundit, miqtë e saj e kanë parë vajzën me trishtim për shkak të ndarjes së saj nga i riu dhe në përgjithësi e përshkruajnë atë si një fëmijë me një karakter të mbyllur.
Sipas informacioneve, vajza 19-vjeçare kishte 40 euro me vete kur doli nga shtëpia dhe po bëhen përpjekje për të gjetur telefonin e saj celular.
Ditën kur Artemis u zhduk, ajo kishte veshur pantallona të zeza, këpucë të bardha, një këmishë blu të hapur me vija të bardha dhe një çantë të zezë shpine. Prindërit e saj po bëjnë thirrje që vajza e tyre të gjendet së shpejti dhe kushdo që di asgjë të kontaktojë policinë.
