Këtë fundjavë ortodoksët kremtojnë festën e Pashkës. Në kuadër të kësaj atmosfere, kryebashkiaku i Gjirokastrës kishte zgjedhur që veç ndihmave ushqimore për familjet në nevojë të dhuronte edhe vezë të kuqe, që janë simboli i kësaj feste.
“Veç pakove me ndihma ushqimore, në familjet e krishtera këtë javë nuk duhet të mungojë as atmosfera e Pashkës. Mesazhi që jep Ringjallja e Krishtit na shton forcën dhe shpresën se ditët e mira i kemi përpara, prandaj do të vazhdojmë sakrificën derisa ta fitojmë përballjen me të keqen. Durim, besim dhe kurajo si asnjëherë më parë. Faleminderit drejtoreshës së Zyrës Arsimore në Gjirokastër, Albana Hasanaj, që na u bashkua sot në ritualin tonë të përditshëm qysh prej kur nisi karantina, për të ndihmuar familjet në nevojë dhe pensionistët që jetojnë vetëm”, shkruan Golemi në faqen e tij në Facebook.
