Një person ka humbur jetën si pasojë e një aksidenti mbrëmjen e djeshme në aksin rrugor Fier-Lushnje.
Automjeti tip “Land Rover”, me drejtues Z.H 31 vjeç, ka dalë nga rruga në orën 3:25, në afërsi të fshatit Kolonjë. Për pasojë ka ndërruar jetë pasagjeri M.R 28 vjeç, banues në Berat.
Drejtuesi i mjetit është dërguar në Spitalin e Traumës Tiranë dhe ndodhet nën kujdesin e mjekëve.
Grupi hetimor po punon për zbardhjen e plotë të ngjarjes.
