Luftëtari barazoi në transfertë përballë Kamzës por me pak fat nga ana e Plakut te rasti i penalltisë, mund ta humbiste ndeshjen.
Tekniku i Luftëtarit Hasan Lika u shpreh i kënaqur me rezultatin, pasi e ka ditur vështirësinë e ndeshjes. Ai u shpreh se në fushë ka parë një lojë të ndershme nga të dyja skuadrat por sipas tij kanë ndikuar edhe mungesat.
Ishte një rezultat pozitiv dhe e dinim se është ndeshje e vështirë pasi kundërshtari dha gjithçka pasi gjendet në zonën e ftohtë. Të dyja skuadrat i kanë penalizuar mungesat. Me pak kujdes mund ta kishim ndëshkuar kundërshtarin por edhe ata mund të na ndëshkonin ne në çdo moment.
Kemi lojtar si Aleksi që mbulon krahun e majtë pasi Bregun e duam që të sulmojë para. Në disa momente, veproi shumë mirë dhe në disa komente të tjera nuk ishte aty ku duhet, aq më tepër kur mori edhe karton të verdhë dhe e zëvendësova.
Tensioni? Ne kishim tension pasi kërkojmë të shkojmë në Kupa të Europës por ndeshja ishte “Fair Play” dhe nuk ndikoi tensioni në fushë. Ne u munduam të respektojmë kundërshtarin dhe lojtarët po respektonin njëri-tjetrin”, u shpreh Lika.
