Cështja e krimit dhe drogës ka shkaktuar debate të ashpra në Kuvend sot mes opozitës dhe mazhorancës.
Kreu i PD-së, Lulzim Basha akuzoi kryeministrin Rama për kanabizim të vendit. Ndërsa duke folur për Lazaratin, Basha i ka kujtuar Ramës dy gjërat që i pati thënë në vitin 2014 kur nisi operacioni antidrogë.
“Mirë mo hyre në Lazarat, shumë mirë bëre. Edhe unë të kam mbështetur duke të thënë dy gjëra; kujdes popullsinë civile dhe policinë. Po mirë hyre, po ku i ke bandat e Lazaratit. The se kape 100 ton drogë, po ku i ke bandat e arrestuara të Lazaratit?’, u shpreh Basha.
