Drejtuesit politikë të PS-së në qarqet Fier, Vlorë, Tiranë e Gjirokastër ishin për dy ditë në Athinë teksa ka nisur tashmë procesi i regjistrimit të votuasve jashtë vendit në platformën e KQZ-së. Sipas tyre është ngritur edhe një rrjet zyrash për asistencë teknike për ata që nuk e bëjne dot vetë regjistrimin.
“Dy ditë intensive mes shqiptarëve të Athinës ku bashkë me drejtues të skuadrës së Partisë Socialiste takuam plot bashkatdhetarë që u regjistruan e po regjistrohen në platformën e #KQZ për të marrë pjesë në zgjedhjet e 11 majit. Kemi tashmë disa zyra të hapura për të asistuar teknikisht këdo që nuk e kryen dot vetë regjistrimin. Këto janë zgjedhje historike e me rëndësi të jashtëzakonshme për rrugëtimin e Shqipërisë drejt BE. Bashkë jemi më të fortë!”, shkruan Bledi Çuçi, drejtuesi politik i PS në qarkun Vlorë.
