Në mbledhjen e sotme Këshilli Bashkiak i Gjirokastrës miratoi akordimin e një ndihme financiare për familjen Koçiu nga Lazarati, e cila humbi djalin pas goditjes nga rrufeja.
“P/Vendim “Miratimin e kërkesës së Bashkisë Gjirokastër,së bashku me dokumentacionin tekniko-ligjor për akordimin e ndihmës financiare për familjen e z.Memo Kociu, familja e të cilit është dëmtuar nga humbja e jetës së djalit të tyre i ndjeri Xhuljano Kociu, nga buxheti i bashkisë dhe buxheti i vitit 2018 në Ministrinë e Punëve të Brendshme, programi”emergjenceva civile”, thuhet në njoftimin e shpërndarë për media nga Bashkia Gjirokastër.
Ndihma financiare e parashikuar prej ligjit në një rast të tillë përllogaritet në 1 milionë lekë të vjetra. 22-vjeçari Xhuljano Koçiu humbi jetën teksa ishte duke kullotur bagëtitë në fushën e Drinos.
© ArgjiroLajm.net
