Pritja ka marrë fund. Cristiano Ronaldo është futbollisti më i ri i Juventusit. Pesë herë fituesi i “Topit të Artë” ka dal në konferencën e parë për shtyp, ku do të prezantohet para mediave si blerja më e re e kampionëve të Seria A. Më poshtë fjala e plotë e Ronaldos. Mirë se vini në Itali. Pse keni vendosur te zgjidhni Juventusin?
“Ishte një vendim i lehtë për të ardhur në Juventus. Është një nga klubet më të forta në botë, shokët e ekipit tim gjithmonë më kanë thënë se ishte një klub për të luajtur. Është një hap i rëndësishëm për karrierën time. ekip i madh, një president i madh dhe një trajner i madh, ishte një vendim i lehtë “.
Këtë mëngjes tifozët e Juventusit kërkuan nga ju maksimumin për fitimin e Ligës së Kampionëve. Kur do ia arrijë Juventusi kësaj dite?
“Liga e Kampioneve është një trofe që gjithkush dëshiron të fitojë, ne do të luftojmë për të gjitha trofetë, Seria A, Kupën e Italisë dhe Champions League. Është shumë e vështirë të fitosh si në çdo garë, por shpresoj se mund të ndihmoj Juven ta fitoj.
