Roland Bejko u shpreh se ka dëshirë që PD-ja të bashkohet. Ai shtoi se ka një problem për bashkimi dhe ai është Sali Berisha, që sipas tij, ai ka uzurpuar PD-në me forcë dhe procese ilegjitime.
“Përpos dëshirës së mirë që kam që demokrat duhet të jenë të bashkuar, për hir të anëtarëve të PD-së, jo atyre që i drejtojnë, ky është një borxh i madh që i ka kushdo që është në krye të PD-së. Shtetet kanë bërë luftra edhe civile dhe pas saj burrat e mençur kanë bërë paqe, por me një ndryshim të madh në shoqëri. Nëse ne bashkohemi por nuk ndryshon asgjë, pra moçali konfliktual në PD qëndron aty, nuk kemi pse ta fshehim dhe ta injorojmë, problemi është Sali Berishës. Gjithçka është në dorë të Berishës. Ai është në krye të foltores dhe me dhunë pretendon se është në krye të PD-së. Kjo është një pengesë shumë e madhe sepse ai pas këtij bashkimi do të marrë legjitimet më shumë për të qenë në krye të PD-së”, tha Bejko gjatë një interviste për Ora News
