Kryebashkiaku i zgjedhur i Himarës Fred Beleri ka depozituar në Prokurorinë e Posaçme kundër Korrupsionit dhe Krimit të Organizuar një padi ndaj ministres së Jashtme Olta Xhaçka, bashkëshortit të saj Artan Gaçi si dhe ish kreut të bashkisë së Himarës Jorgo Goro.
Nga paraburgimi i Durrësit ku është duke pritur vendimin e gjykatës, Beleri ka hartuar një dosje që sipas tij përbën skandal me shfrytëzimin e tokave në mënyrë të paligjshme në Bashkinë Himarë.
Kallëzimi penal që gazeta DRITA disponon, është depozituar në ambjentet e SPAK më datë 21 gusht ku pritet që të merret në shqyrtim nga grupi hetimor./Drita
