Sali Berisha ka folur për çështjen e zgjedhjes së presidentit në konferencën për mediat duke thënë se këtij diskutimi nuk i ka ardhur koha ende. Berisha gjithashtu këshilloi gazetarët të mos e pyesin për Inceneratorët pasi ai ngrihet dhe del nga studioja apo nga konferenca.Ai tha se mundësisht duhet t’ia përmendin sa më pak emrin e tij sepse sipas tij ky emër ka filluar t’i kallë datën.
“Edi Rama mund ta zgjedhë presidentin me votat e tij edhe pse zgjedhjet i plaçkiti. Mos harroni dhe asnjëherë të mos e pyesni për Inceneratorët se do vrapojë do dalë jashtë, do ju lërë me duar bosh. Keni edhe ju ndjenja njerëzore ndaj tij. E patë mbrëmë ju atë. Del qartë se nëse ju e pyesni për Inceneratorët është njësoj si të tregoni litarin në shtëpinë e të varurit.
Vendosni një kod për këtë dhe mundësisht sa më pak t’i përmendni emrin tim. Sepse e patë mbrëmë dhe e shikoni çdo ditë si ky emër ka filluar t’i kallë datën. Do ketë probleme shumë serioze me Partinë Demokratike. Këto dy gjëra nëse doni të mos ikë nga konferencat e shtypit mos e pyesni. Arrest informativ. Ju përjashton 60 ditë”, tha Berisha.
