Duke folur për mediat pas protestës të mbajtur para Kryeminstrisë ditën e sotme, Sali Berisha u shpreh se ishte i kënaqur nga pjesëmarrja.
Kurse, i pyetur nga gazetarët, ai refuzoi që të komentonte zhvillimet që po ndodhin në Gjykatën e Apelit për çështjen e vulës së PD-së.
“Nuk bëj asnjë diskutim paraprak për gjykatën. Ishim për Edi Ramën, jo për gjykatën. Atë kemi armik numër një. Ky është revolucion!”
Ndërsa, audion e bërë publike së fundmi si provë për 21 janarin, Berisha përsëriti edhe një herë qëndrimin e tij se bëhet fjalë për fabrikime të Ardi Veliut.
“Edi Rama duhet të ishte në burg për 21 Janarin. Ka dokumente të pakontestueshme. Nëse ne shpallim një audio-përgjim pa u dëgjuar gjë, atëherë kemi bërë krim.”
