Vangjel Tavo fton në një ballafaqim publik rivalin e tij në Himarë, Petro Gjikuria. Gjatë një interviste televizive për Tv 6 plus 1 në Vlorë, ai ka thënë se është i hapur për një diskutim të tillë, por një kusht.
“Do të ishtë një kënaqësi që banorët të dëgjonin idetë tona për qeverisjen e Himarës. Jua kërkoj edhe juve të na ftoni, por jo në studio televizive. Debat televiziv, por me të pranishëm banorë të Himarës. Do të ishte një iniciativë dhe kënaqësi e jashtëzakonshme ta realizonim këtë debat”, tha Tavo
I pyetur për një reagim të mundshëm nga Greqia pas zgjedhjeve, për njohjen e tij si kryebashkiak apo jo nëse fiton, Tavo u shpreh kështu: “Nuk është Greqia që njeh apo certifikon zgjedhjet në Shqipëri”.
Zgjedhjet e pjesshme në Bashkinë Himarë do të mbahen më 4 gusht. ©Argjiroja.net
