Bilanci i aksidentit tragjik në Muzinë: 5 jetë të humbura, 4 vajza të plagosura (Emrat)

Janë identifikuar të gjithë viktimat e aksidentit tragjik të ndodhur sot pasdite në Qafë-Muzinë. Në mesin e viktimave janë edhe një çift nga Ukraina, të quajtur Olesander dhe Tetiana Fediaieva, 48 dhe 53 vjeç. Më herët, janë identifikuar edhe viktimat e tjera të aksidentit. I vdekur në këtë ngjarje të rëndë mbeti shoferi i furgonit Bardhi Proda nga Saranda. Viktima ishin edhe çifti i bashkëshortëve, Fiqiri e Drita Korçari. Nga furgoni u nxor e gjallë shtetasja Greta Kaberdini, 25 vjeçe nga Fieri, e cila ndodhet në Spitalin e Gjirokastrës, jashtë rrezikut për jetën. Shkak i aksidentit tragjik ka qenë parakalimi i gabuar i mjetit “Land Rover”, i cili është futur me shpejtësi në kthesë. Nga mjeti “Land Rover” janë lënduar lehtë drejtuesja e mjetit, 22-vjeçarja Rexhina Çelhaka, banuese në Tiranë, si dhe dy shtetase italiane, të identifikuara si Ana Cascalvilla, e datëlindjes 1998 dhe Xhulia Parini e datëlindjes 1999. 22-vjeçarja nga Tirana e kishte marrë automjetin me qira.