Elton Iliriani, biznesmeni i njohur në SHBA, ishte i ftuar mbrëmjen e sotme në një intervistë për emisioni ‘Opinion’ në TV Klan.
Iliriani ka treguar momentet e para pasi ai deklaroi orientimin e tij seksual gjatë prezantimi të një projekti për barazinë gjinore në punësim në Tirana International Hotel.
Pas deklatës së tij, modeli thot se ai është përballur edhe me kërcënime për jetën.
Pjesë nga biseda:
Fevziu: Si vendose ta thuash hapur dhe çfarë lehtësimi ndjeve kur e the hapur?
Elton Ilirjani: Isha duke prezantuar një projekt për barazinë gjinore në punësim dhe ishin të gjithë ambasadorët e huaj në Tirana International Hotel dhe unë duhet ta thosha, sepse unë po prezantoja këtë projekt.
Fevziu: Cili ishte reagimi i parë?
Elton Ilirjani: Reagimi i parë ka qenë i tmerrshëm.
Fevziu: Pse?
Elton Ilirjani: Po sa kam dal nga salla, që kam hedhur hapat e parë nga shkallët e 15-katëshit, mua më kanë ardhur njerëz e më kanë thënë që gati 300 media po shkruanin për mua dhe thoshin: “Biznesmeni gay nga Tepelena”.
Ishte një zhurmë e madhe mbytëse. Jo vetëm për mua, po mu kujtuan edhe kushërinjtë e largët që më thoshin: “Pse e the, ne e dinim.”
Fevziu: U ndikove?
Elton Ilirjani: Shiko, u ndikova pak a shumë se mora kërcënim me jetë.
Fevziu: More kërcënim me jetë?
Elton Ilirjani: Po, kam marrë kërcënim me jetë nga persona që ishin të lidhur edhe me fenë.
Fevziu: Besimi fetar nuk e pranon një orientim të tillë.
Elton Ilirjani: Mirë, po askush nuk ka të drejtë që në emër të zotit të dëshirojë vdekjen time. Ata nuk janë Zoti. Zoti nuk predikon.
Fevziu: Padyshim, por nuk po flasim për vdekjen. Po flasim që ti duhet t’i kuptosh persona që nuk të kuptojnë. Sikurse ti pretendon që një kategori duhet të të kuptojë, duhet të pranosh edhe kategorinë tjetër e cila nuk e pranon. Dhe nuk mund të jetë si ty dhe as nuk do te jetë si ty.
Elton Ilirjani: E drejtë, por un askujt nuk i them që do të vras, do të varros dhe nuk do ta di askush ku e ke varrin.
Fevziu: A ishte kjo gjë që të shtyu të largoheshe nga Shqipëria?
Elton Ilirjani: Kjo ishte një ndër arsyet që unë e lashë Shqipërinë, sepse jo vetëm mora kërcënime të drejtpërdrejta, por edhe stafi im i ngushtë u ndje i kërcënuar se do të humbiste kontaktet me kompanitë e tjera./Opinion.al
