Pavarësisht humbjes kundër Botafogos, Luis Enrique duket optimist, në prag të ndeshjes vendimtare kundër Seattle Sounders, teksa përsëriti në konferencë për shtyp dëshirën e tij për të vazhduar udhëtimin në Kupën e Botës për Klube.
“Gjëja më e rëndësishme është të kuptojmë se ku ndodhemi në këtë moment. Duhet të jemi të përqendruar që nga fillimi, sepse nëse nuk fitojmë, jemi jashtë.
Por duam të ecim përpara në këtë garë dhe, nëse ia dalim, do të shihni një version edhe më të mirë të ekipit” – tha ai.
