Besart Kadia u emërua disa ditë më parë zv. ministër i Financave në qeverinë Rama dhe kjo solli jo pak reagime. Me një shkresë të dyshimte që u publikua me urgjencë në mediat e djathta, PD, teksa e akuzonte Kadinë si “agjent” të Ramës, pohonte se e kishte shkarkuar Kadinë që një vit më parë, kur krijoi lëvizjën “Alternativa”.
Në “Zonë e Lirë”, Besart Kadia e quajti jo profesional qëndrimin e PD-së, ndërsa shtoi se miminalisht duhej të ishte njoftuar. Ai pohon se para një muaji ka marrë propozimin për deputet nga PD. Kadia shprehet se opozita ka nevojë për kohë dhe se nga ‘një mandat i i tretë i PS fiton e djathta’.
“Isha duke parë tv kur kam parë që kam qenë anëtar i Këshillit Kombëtar të PD. Një letër për shkarkimin nga anëtarësia, tregon se sa jo profesional janë nëse nuk më dërgon mua një mesazh të paktën që je i shkarkuar.
Kjo ka ndodhur para një viti për lëvizjen “Alternativa”. Unë kam patur ofertë dhe bashkëpunim me struktura të PD që më propozuan para një muaji për deputet të PD dhe më kanë kërkuar të dërgojë CV. Por procesi i përzgjedhjes së kandidatëve ishte i palogjikshëm.
Në komunikimin me Z. Rama u morra vesh lehtësisht mbi atë çfarë unë përfaqësoj. Unë mendoj që nga një mandat i i tretë i PS fiton e djathta. Kryetari i PD nuk mendoj se ka bërë ndonjë reformim të PD”, tha Kadia.
I pyetur nëse mund të anëtarësohet në PS, Kadia u shpreh: “Nëse Rama ka ndërmend të bashkëpunojë për mua edhe në formën e përfaqësimit politik, po. Nëse Rama vlerëson se idetë e mia janë të mirëpritura për të, patjetër që po”.
