“Lëvizja Socialiste për Integrim do të organizojë më datën 21 nëntor Konventën Kombëtare. Në takimin e zhvilluar sot me strukturat e LSI, kryetarja e partisë Monika Kryemadhi u shpreh në konventë kandidatët do të votohen sipas parimit “një anëtar një votë”, një model që LSI e ka aplikuar e para në Shqipëri, që në vitin 2013.
Në takimin e strukturave të LSI u bë e ditur se nënkryetare e LSI në Tiranë është komanduar, Briseida Shehaj.
Ish-drejtorja e Tatimeve dhe socialistja e njohur është bërë pjesë e LSI-së prej pak kohësh. Pritet që gjatë ditëve në vijim të ketë emra të tjerë të njohur nga PS që do t’i bashkohen LSI”, shkruan gazeta “Koha Jone”, media prane LSI. Në PS tani po dridhen pas këtij largimi.
Ndërkohë më herët është raportuar se Briseida Shehaj pritej të kandidonte në qarkun Gjirokastër, konkretisht në Tepelenë për shkak të origjinës së saj. Ditë më parë ajo ishte parë në Gjirokastër edhe me drejtues lokalë të LSI-së. Megjithatë për momentin nuk është asgjë zyrtare se ku do të kandidojë ish-drejtoresha e Tatimeve, e vlerësuar me cmimin “Bleta e Artë”.
