Një nga gazetat më të vjetra dhe më të rëndësishme, ‘Ta Nea’ në Greqi, i ka kushtuar ditën e sotme një shkrim mjaftë të gjatë kryeministrit shqiptar Edi Rama, ku përshkruan me detaje se si ai shet gjithçka në këmbim të votave.
“Edi Rama Kryeministri me nënë greke, droga dhe “Shqipëria e Madhe””, ishte titulli i të përditshmes greke. Në artikullin e saj ‘Ta Nea’ e quan Ramën të çmendur, madje shkon edhe më tej duke thënë se ai e bëri edhe nënë e tij greke vetëm e vetëm që të merrte votat e minoritarëve.
“Zjarr në marrëdhëniet grekoshqiptare hodhi me deklaratat e tij Edi Rama, kryeministri i Shqipërisë, i cili nuk hezitoi për të gjykuar vdekjen e Kaçifasit dhe në vazhdimësi të atyre që shkuan në funeralin e vorioepirotit. Dhe siç e përshkruan ‘Star’ (televizion grek), Rama e karakterizoi Kaçifasin ‘të çmendur’ dhe “ekstremist’. Por, ama kartela e tij psikiatrike, nga viti i largët 1982, shkruan se vuante nga psikopatia agresive. Djali i një nëne himarjote, Ana Koleka nga fshati Vuno. Ai e shiti origjinën e nënën së tij, në kërkim të rritjes së votave të nacionalistëve. Ai është bërë i pamëshirshëm. “Akropoli u shpëtua nga një shqiptar” shkruan për ta mbështetur atë”, shkruan “Ta Nea”.
Më tej media greke shkruan se Rama është një populist i korruptuar, i cili përdor ‘Shqipërinë e madhe’ si një tjetër pikë për të fituar votat e shqiptarëve.
“Nacionalist, populist, i korruptuar deri në palcë. Ai është bërë flamurtari i ‘Shqipërisë së Madhe’. Serbët, malazezët, maqedonasit dhe grekët janë në vëmendjen e tij, në përpjekjet e tij për çështjen e zgjidhur historikisht ‘Çamëria”, shkruan më tej media greke.
“Ta Nea” e ka ilustruar shkrimin e saj edhe me këtë foto të Edi Ramës, “ku është duke pirë kokainë, por që vetë Rama e quan montazh”.
Gazeta greke sjell në kujtesë faktin se, disa ditë para se të vritej Konstandin Kaçifas, dha dorëheqjen ministri i Brendshëm shqiptar (Xhafaj), por edhe faktin se në Shqipëri muajt e fundit ishte kapur një sasi rekord kokaine.
“Ta Nea” i ka bërë dhe një portret politik Edi Ramës nga fillimet tij si ministër i Kulturës, duelet elektorale si kryetar bashkie dhe deklaratave të tij antigreke.
