Rreth 100 efektivë të mbërritur nga Tirana, mes të cilëve edhe nga Drejtoria e Përgjithshme e Policisë, kanë ushtruar sot kontrolle në paraburgimin e Vlorës.
Nuk dihet ende arsyeja e kontrolleve të ndërmarra nga efektivët e policisë. Nga te dhenat e deritanishme mesohet se kontrollet janë përqendruar në dhomat të paraburgosurve.
Efektivët kanë ushtruar kontrolle për të evidentuar dhe sekuestruar sende të paligjshme që të burgosurit mund të kenë futur. Ndërkaq bëhet me dije se kontrollet kanë zgjatur për afro një orë.
Ende nuk ka një njoftim zyrtar nga Policia e Shtetit lidhur me këtë aksion blic. Vlen për t’u përmendur fakti që në fillim të verës në Vlorë janë shënuar disa përplasje me armë dhe ekzekutime të personave me precedentë kriminalë.
