Me urimin për Pashkën ortodokse kryebashkiaku i Gjirokastrës, Flamur Golemi ka publikuar edhe një video me komunikimet që disa prej patronazhistëve bëjnë me pensionistët që jetojnë vetëm. Ai thotë se ky është një ritual i përditshëm që prej nisjes së karantinës dhe do të vijojë për aq kohë sa do të zgjasë kjo gjendje.
Postimi i Golemit
Si fillim një çukitje vezësh për Pashkë për të përcjell urimet më të mira për besimtarët ortodoksë në këtë ditë të shenjtë të Ringjalljes së Krishtit. Më pas vijojmë me një ritual të përditshëm që ne bëjmë që prej ditëve të para të kësaj situate të jashtëzakonshme. Krahas punës në terren, shpërndarjes së pakove ushqimore apo ilaçeve e detergjentëve, njerëzit e skuadrës tonë fantastike të patronazhistëve kontaktojnë të moshuarit që jetojnë vetëm edhe përmes telefonit. Bëj të njëjtën gjë edhe unë vetë sepse nuk mund të lejojmë që të mbetet askush jashtë vëmendjes së bashkisë. Rrjeti jonë i patronazhistëve funksionon më së miri dhe ne ia kemi dalë të jemi tek çdo njeri në nevojë. Do të vazhdojmë të bëjmë të njëjtën gjë dhe t’ju përgjigjemi në çdo kohë. Gëzuar Pashkën!
