Detaje të tjera mësohen nga ngjarja e rëndë që ndodhi pasditen e sotme në fshatin Lliar të Zagorisë, ku humbi jetën elektriçisti Meriglen Lekgjika. 63-vjeçari nga fshati Nivan punonte prej më shumë se 15 vitesh si elektriçist në atë zonë. Ai kishte shkuar për të rregulluar një defekt në rrjetin elektrik në Lliar. Shtylla në të cilën Lekgjikaj kishte hipur, mbahej e lidhur edhe me një tel, i cili ishte kapur në anën tjetër tek një pemë.
Çuditërisht elektriçisti zgjodhi ta priste telin, por në këtë moment shtylla është rrëzuar menjëherë bashkë me të. Përplasja në tokë ka qenë fatale, duke i shkaktuar plagë të rënda në kokë dhe tek barku. Mariglen Lekgjikaj ndërroi jetë në vend. Grupi i mjekeve të ardhur nga Gjirokastra ia bënë ekspertizën aty, pa qenë nevoja ta transportonin drejt spitalit “Omer Nishani”. Ceremonia e tij mortore do të zhvillohet nesër në fshatin ku ai banonte.
©argjiroja.net
