Argjirolajm.net siguron pamjet e operacionit të policisë për arrestimin e një të dënuari që tentoi arratisjen nga burgu të Bëncës në Tepelenë. Liria e tij zgjati rreth 20 minuta. Ai është kapur nga policia rreth 200 metra larg rrethimit të jashtëm të burgut. Policia e Gjirokastrës ka shpërndarë për mediat një informacion lidhur me tentativën e arratisjes së këtij të dënuari.
“Rreth orës 12:10 të ditës së sotme, shtetasi E. Ç., banues në Memaliaj, i cili vuante dënimin në IEVP Tepelenë është larguar në drejtim të fshatit Bënçë. Menjëherë është organizuar puna nga sherbimet e Komisariatit të Policisë Tepelenë për kapjen e këtij shtetasi. Në orën 12:30 shtetasi i mësipërm është kapur nga punonjësit e Policisë Tepelenë dhe shërbimet e IEVP Tepelenë”, thuhet në njoftimin e policisë.
Pavarësisht tentativës së tij për të fituar me çdo kusht lirinë, ai është kapur nga policët e burgut jo shumë larg institucionit të vuajtjes së dënimit. Shihni pamjet që sjell Argjirolajm.net
