D’Ambrosio, zbulon sekretin e fitores kundër Fiorentina-s

“Fitorja është gjithmonë e rëndësishme, ne bëjmë gjithçka është e mundur që të fitojmë pa vuajtur shumë, por kjo ndeshje nisi keq”, ka thënë për DAZN D’Ambrosio, autori i golit që i dhuroi Inter-it fitoren 4-3 kundër Fiorentina-s.
“Kemi arritur ta përmbysim ndeshjen, duke treguar se duam tëluftojmë për çdo pikë dhe kemi lojtarë që mund të futen nga stoli dhe të ndryshojnë ndeshjen. E kemi marrë këtë fitore sepse donim të fitonim me çdo kusht”.
“Sa herë që zbresim në fushë, ne duhet të japim 100 për qind dhe unë jam i lumtur të sakrifikohem për skuadrën. Detyra ime është që të shmang pësimin e golave, por nëse mund edhe të shënoj ndonjë, ky është një bonus”.
“Sezonin e kaluar kemi arritur finalen e Europa League dhe e kemi mbyllur kampionatin 1 pikë larg Juventus-it, kështu që plani ynë është që të përmirësohemi këtë vit”.