Dashuria sfidon dhe mposht çdo gjë. Këtë e ka treguar sonte çifti Luiz-Kiara, pas 4 ditëve me zënka dhe sherre.
Ata kanë hedhur pas krahëve ftohjen që patën me njëri-tjetrin dhe marrëdhënia e tyre i është rikthyer normalitetit. Pas një bisede të zhvilluar në oborr, Kiara e përqafoi Luizin dhe i dha një puthje.
Këngëtari ka premtuar se një sjellje e tillë si ajo e bërë gjatë provës së dhënë nga Big Brother, çka nisi edhe konfliktin mes tyre, nuk do të ndodhte më. Kiara nga ana tjetër pranoi faljen dhe i tha se ajo e di sa i mirë është dhe çfarë ka në zemër, pavarësisht se ai para të tjerëve do të nxjerrë anën tjetër.
