Ministrja Mirela Kumbaro ka debatuar sot ne Kuvend me deputetin e PD, Agron Shehaj, i cili hodhi akuza ndaj qeverise per ceshtjen e konteniereve me mbetjet e kompanise “Kurum” në Durrës. Referuar tonit te larte te zerit qe perdori Agron Shehaj, Kumbaro e keshilloi te pinte çaj nga mali i Buretos me mjaltin e bedunicës në Permet. Me poshte replika e saj e plote.
Kumbaro: Edhe një herë i rikthehem asaj që thashë në fillim, është abuzive, dhe nëse duam në mbrojtje të interesit publik dhe kriminale përhapja e panikut kur përmendim një terminologji ashtu siç thotë populli: “ia fusim kot”. Pse toksike? Po sikur të jenë nukleare, po kimike, po antropologjike…Mund të thoni çfarë të doni, por mendoj se duhet të jeni të përgjegjshëm para publikut kur përdorni një terminologji të caktuar. Jemi po njësoj si ministër, si deputet, jemi njerëz të ligjit, dhe duhet të mbajmë përgjegjësi për çdo gjë që themi kur cënon interesin public dhe përhapja e panikut e cënon. Në bazë të cilit ligj rregull, qenka faj të bashkëpunosh me Prokurorinë? Unë jam nga ato deputete që kam votuar për reformën në drejtësi. Nuk do të lë ditë të jetës sime pa bashkëpunuar, qoftë si qytetare, qoftë si deputete, qoftë si ministre apo çfarëdolloj pozicioni që do kem në jetë. Do bashkëpunojmë me prokurorinë e Durrësit që po ndjek këtë çështje. Patjetër do t’i vëmë në dispozicion të gjitha informacionet, jo vetëm unë, por kolegët e mi, vartësit e mi do shkojmë sa herë të na thërrasin për çfarëdolloj informacioni që duhet. Mos më vini gishtin e akuzës as mua dhe as kolegëve që bashkëpunon çdo ditë me drejtësinë. Jeni ju që e inkriminoni drejtëisnë.
Për Vjosën, patjetër kjo mazhorancë ka një meritë të jashtëzakonshme. Merita për Vjosën është e shoqërisë civile, është e popullit shqiptar, është e kësaj mazhorance që dëshirën, kërkesën, ëndrrën e popullit shqiptar e bëri realitet, e ktheu në plan menaxhimi, e ktheu në pasaportë ndërkombëtare. E meqë jemi këtu, nëser ju pres në Tepelenë, edhe në Përmet sepse kemi 2 dëgjesa publike për qendrën e re të vizitorëve që po ndërtojmë pikërisht për Parkun Kombëtar të Vjosës. Nëse dikush nuk ka meritë, por fare, përkundrazi, jeni ju, është kjo politikë e këtij krahu që kur ishte në mazhorancë e braktisi Vjosën, gjithë qarkun e Gjirokastrës, pa asnjë investim aq sa i detyroi njerëzit ta braktisin atë zonë, të cilët sot po i rikthehen.
Një këshillë kam unë i dashur koleg për ju, në zonën e Vjosës, në Malin e Buretos, në Libohovë dhe në malin e Nëmërçkës në Përmet kemi një çaj mali të jashtëzakonshëm dhe gjithashtu bletarët e asaj zone, që janë ndër më fantastikët, prodhojnë një mjaltë që sot falë punës së Ministrisë së Bujqësisë është certifikuar, që quhet mjaltë i bedunicës. Çaj Mali i Buretos, me mjaltin e bedunicës është një ilaç fantastik për të kuruar zërin. E meqë kam parë që videot i keni të një cilësie shumë të lartë kur bëhet fjalë për komunikimin publik, aty flisni me një zë shumë normal. Mos e konsumoni zërin, kurojeni me mjatin e bedunicës dhe çajin e malit, do të keni më shumë rezultat.
