Trajneri i ri i Luftëtarit, Gentian Mezani e ka nisur në mënyrën më të mirë të mundshme aventurën e tij në krye të skuadrës gjirokastrite, duke marrë tri pikët. Pas ndeshjes, Mezani tha:
“Në dy ditë nuk munda të ndryshoja shumë faktikisht. Deri diku problemi ka qenë psikologjik dhe kam punuar në atë aspekt, rezultoi pozitive sot dhe morëm tre pikët. Duhet të bëjmë të pamundurën se po nuk morëm të tjera pozitive, ky rezultat sfumohet, tani të vazhdojmë të punojmë dhe të shohim përpara.
Unë mendoj që të dalim nga kjo situatë sa më shpejt, të marrim ndeshjet një nga një, kjo mbaroi, marrim tre pikët dhe erdhi ndeshja tjetër,. Nuk mendoj të bëjë të njëjtën sukses të vjetshëm të Likës. Do të mundohemi të marrim ndeshjet një nga një, të bëjmë më të mirën për në çdo ndeshje dhe të dalim nga kjo situatë.
Unë jam tip që mundohem të dëgjoj lojtarët, ti bind për atë që mendoj unë që është më e mira. Nuk përtoj dhe nuk tkurrem tua kërkoj nj gjë të tillë. Cilësitë dihen, Blerjet e reja nuk i kam vënë re shuam, pro ën ato pak ndeshje që kam parë, i kanë shfaqur, është e vështirë që një i ri të ingranohet menjëherë në një skuadër të gatshme.
Plus mungesat bëjnë të tyren, Por cilësitë janë dhe këtu u binda për të marrë skuadrën, Do të vazhdoj të punoj si këto ditë, Një fitore na jep frymëmarrje, moral. Por kjo skuadër ka nevojë për mbështetje, me atë që marrim këtu do t’ia dalim nga ndeshja në ndeshje.
Mendoj se ndeshjen sot e fituan djemtë, se vunë shpirtin në fushë dhe fituan ata. Unë kam punuar psikologjikisht. Nuk kishim kohë të punonim faktikisht. Unë kam ardhur të bëj punën time, Hasan Lika ka bërë punë shumë të mirë këtu dhe arriti atë që arriti. Unë dua të bëj më të mitën, jo të mendoj për atë që ka bërë Lika.
Shyqyr zotit këtu e bëj unë formacionin. E kam bërë në Vlorë, në Laç dhe këtu do të vazhdoj unë. Mendoj që unë e kam parë skuadrën, padiskutim që kam pyetur se nuk kisha kohë në dy ditë të bëja çdo gjë. Kam pyetur përgatitësin e njerëzit në klub dhe në fund vendosa ta hidhja këtë formacion.
Unë skuadrën e gjeta të bërë, në Laç dhe në Vlorë gjithashtu, Unë mendoj që një skuadër, pak rëndësi ka kur hyn. Më mirë kur e bën ti, por në momentin siç hyra unë në javën e 5, ua thashë edhe çunave, këto janë skuadra ime. Ishin skuadra e Kostiç, jo meqë fituam kjo skuadër është e imja. Edhe nëse humbim fajet do të ishin të miat. Nuk do flas tani të them se dua kohën e duhur, koha nuk pret, qyteti nuk pret, duhen pikë. Tashmë nuk mund të presë askush. Ndaj them që sot është skuadra ime”.
