Dy lagje të Gjirokastrës, “Palorto” e “Hazmurat” kanë patur probleme të furnizimit me ujë të pijshëm për shkak të një defekti në rrjetin e shpërndarjes. Mësohet se defeki është konstatuar në linjën që vjen nga burimi i Hosit, pranë pikës hyrëse në qytet tek vendi i njohur si “Ura e Lumit”. Punonjësit e ndërmarrjes së ujësjellësit kanë nisur riparimin e defektit prej disa orësh për të rikthyer furnizimin me ujë të pijshëm. Riparimi i defektit po kryhet në kushte të vështira, duke marrë parasysh edhe faktin se në këtë zonë janë bërë ndërtime pa kriter sipër kolektorit dhe linjave kryesore që furnizojnë qytetin me ujë. Për shkak të këtyre ndërtimeve kjo zonë përmbytet vazhdimisht me shirat më të lehtë që bien.
©argjiroja.net
