Nga Kastriot Dervishi
Zbardhim tashmë pjesën e parë të varjes në litar të Bule Naipit në Gjirokastër. Historiografia komuniste ka shkruar vazhdimisht se janë varur nga gjermanët dy vajza në qendër të Gjirokastër, Persefoni Kokëdhima dhe Bule (Makbule) Naipi. Madje kanë bërë edhe film për këtë. Ngjarjet janë të veçuara. Vajzat janë varur në një largësi prej një jave nga njëra-tjetra. Prani gjermane apo pjesëmarrje e tyre nuk shihet fare. Është 100% punë shqiptare, brenda kontureve të luftës civile të asaj kohe. Zyra Politike e MPB-së ka lënë këtë shënim: “Vajza është ekzekutuar duke qenë e burgosur. Ky akt provokoi sulmin e 18-s për hakmarrje. Ekzekutimi është bërë nga xhandarmëria. 14.8.1944”.
Shteti shqiptar
Prefektura e Gjirokastrës
Gjirokastër 22.7.1944
Dërguar: Ministrisë së Punëve të Brendshme (Drejtorisë së Korrespondencës, Zyrës Politike)
Shkurtimi: Mbi ekzekutimin e një partizaneve
Referohet se në mëngjesin e datës 16 korrik, në sheshin publik të këtushëm “Çerçiz Topulli”, është gjetur e varur e quajtuara Bule Baipi, vjeç 22, nga lagja “Dunavat”. E përmenduara bënte pjesë në çetat anarkiste. Në një informatë që kish Komanda e Xhandarmërisë së këtushme, rezultonte se e përmendura shpesh kthehej nga çetat komuniste në këtë qytet dhe merrej me shërbime të partisë. Pas disa ditësh është ekzekutuar. Ky ekzekutim është bërë kryesisht prej Komandës së Xhandarmërisë së Qarkut të këtushëm. Kundrejt këtij ekzekutimi, çetat partizane qenë të revoltuara dhe me sa është folur, thuhet se sulmi i datës 18 korrik të jetë bërë për hakmarrje të së përmendurës.
Prefekti
Vehip Runa
