Seksioni i Krimit Ekonomik dhe Financiar në Policinë e Gjirokastrës ka nisur hetimet për një kompani private, e cila po punon prej disa ditësh për shtrirjen e fibrave optike përgjatë rrugës Gjirokastër-Kakavijë. Bëhet fjalë për kompaninë “Sintel”, e cila është pajisur me leje për këto punime nga Njësia e Menaxhimit të Bankës Botërore në Autoritetin Rrugor Shqiptar, duke qenë se ky aks është pjesë e programit mirëmbajtës të BB.
Por kompania në një pjesë të punimeve ka devijuar nga leja që i është dhënë. Burime nga nga grupi hetimor i thanë Argjirolajm.net se “Sintel” ka pasur leje për të hapur kanal për vendosjen e fibrave optike 10 cm larg shtresës asfaltike të rrugës.
Në disa pjesë të rrugës ka dëmtime të shtresës asfaltike dhe devijim nga leja. Nuk dihet ende nëse punimet janë pezulluar apo njësia e BB në ARRSH ka nisur një inspektim në terren për të vlerësuar dëmin e shkaktuar në rrugë.
Për momentin çështja është nën hetim nga Seksioni për Krimin Ekonomik e Financiar në Drejtorinë e Policisë Gjirokastër. Argjirolajm.net sjell foto nga kanalet që ka hapur kompania “Sintel” në disa pjesë të segmentit Gjirokastër-Kakavijë.
©argjiroja.net
