Dëmtoi zyrat e PS-së në Delvinë, prangoset 26-vjeçari

Policia e Delvinës ka vënë në pranga një person pasi ai ka thyer xhamat e zyrës elektorale të Partisë Socialiste.
Siç bëhet e ditur nga policia, në pranga është vënë Orest Ziflaj, 26 vjeç, banues në Delvinë.
Ngjarja mësohet se ka ndodhur rreth orës 01:30, në lagjen “Sinan Ballaci” Delvinë, ku 26-vjeçari ka dëmtuar me mjete të forta “gurë”, lokalin e P.Gj., 62 vjeç.
Pas hetimeve të Policisë, u bë e mundur identifikimi i autorit dhe kapja e O.Zilfaj, ditën e sotme pranë një lokali në lagjen “Sinan Ballaci” Delvinë, për kryerjen e veprës penale “Shkatërrimi i pronës”.
Po punohet për zbulimin e autorëve të tjerë bashkëpunëtorë që mund të jenë të implikuar në këtë ngjarje.