Një dentiste shqiptare është arrestuar nga policia belge si e dyshuar kryesore për vrasjen e bashkëjetuesit të saj, ish-pilot. Mediat vendase shkruajnë se emri i shqiptares së arrestuar është është Monika S. e cila është 44-vjeç.
Sipas të njëjtave burime dyshohet se ajo është autorja e vrasjes së 45-vjeçarit Robby Claes me origjinë nga Lummen. Trupi i tij i pajetë u gjet mëngjesin e 20 majit në shtrat në banesën e tij. Mediat belge raportojnë se shkak i vdekjes është bërë asfiksia pasi kokën e kishte të mbuluar me një qese.
Në gjakun e viktimës u gjetën substanca të pazakonta që shkaktojnë dehje. Autoritetet belge kanë si të dyshuar kryesore 44-vjeçaren me origjinë nga Pogradeci, e cila kishte vetëm një vit që ishte shpërngulur në Belgjikë për t’u martuar me viktimën. Përpara kësaj ajo kishte drejtuar një klinikë dentare në Tiranë.
