Deputeti i Gjirokastrës Flamur Golemi ka postuar në faqen e tij në Facebook një foto me aktorin e Erdi Asllanaj, i njohur për rolin e ‘drejtorit’ të spektakli ‘Portokalli’. Asllanaj vuri në skenë shfaqjen ‘Shpellari’ për dy netë radhazi në teatrin ‘Zihni Sako’ në Gjirokastër.
“Me Erdit Asllanaj, aktorin plot talent që i dhuroi Gjirokastrës për dy netë një shfaqje të mrekullueshme, duke i bërë akoma më të bukura këto ditë festash. Përtej interpretimit të tij brilant në skenë, Erditi është një shembull frymëzimi për shumë të rinj të tjerë, të cilët ndonëse mund të studiojnë apo punojnë larg qytetit, duhet që t’i kthejnë sytë edhe nga Gjirokastra”, shkruan Golemi.
Me siguri që Erdit Asllanaj është ‘drejtori’ që s’i bindet asnjë deputeti. Zakonisht në Shqipëri përvoja ka treguar se drejtorët e institucioneve të ndryshme propozohen për emërime nga deputetët. Kësisoj ata qëndrojnë gjithmonë ‘pronto’ para tyre. Por ky nuk është rasti i Erdit Asllanajt, i cili është ndoshta ‘drejtori’ më i pavarur në Shqipëri. Dhe siç thotë ai, është drejtor sipas kërkesave. Më thuaj çfarë halli ke, të të them çfarë drejtori jam.
©ArgjiroLajm.net
