Deputeti i Partisë Demokratike, Tritan Shehu thotë se Shqipëria e ka humur miqësinë e fortë me Amerikën. Demokrati Shehu ka vijuar sërish të komentojë qëndrimin e Shqipërisë në OKB lidhur me vendimin për të shpallur Jeruzalemin si kryeqytet të Izraelit. Nisur nga ky vendim, deputeti thotë se duhet një lëvizje e madhe mbarëkombëtare për të rregulluar qëndrimin.
“Kjo e vërtetë tragjike nuk mund të shbëhet nga disa “avokatë” të qeverisë, por vetëm nga një lëvizje të madhe mbarëkombëtare. Të bësh një mik të madh nuk ndodh as lehtësisht e as me shpejtësi, por ta humbësh atë mund të mjaftojë vetëm një çast ku tregon mosmirënjohje a pabesi” gjykon Shehu.
Ai vijon duke treguar edhe marrëdhëniet mes vendeve.
“Shtetet e Bashkuara do ta kujtojnë këtë ditë në të cilën u veçuan për tu sulmuar në Asamblenë e Përgjithshme për vetë aktin e ushtrimit të të drejtës si vend sovran. Ne do ta kujtojmë këtë ditë kur……shumë vende të vijnë të na kërkojnë, siç bëjnë aq shpesh, që të paguajmë akoma më shumë dhe të përdorim ndikimin tonë në dobi të tyre.” tha së fundmi Ambasadorja amerikane në OKB, Zj. Halej. Mbas kësaj deklarate nuk besoj se ka më dyshime për përgjigjen e pyetjes:
“A do të konsiderohet nga ShBA vota jonë absurde në Asamble si një votë kundër vetë atyre?” Nga askush tjetër përveçse ShBA-ve mund të vijë kjo përgjigje. Dhe kjo përgjigje ka ardhur përsëri e qartë prej tyre, ashtu siç dhe ishte paralajmëruar. Pavarësisht kjo demagogjive të atyre që për aventurizëm, “lidhje a dashuri” të tjera, nuk deshën e nuk duan ta “kuptojnë” këtë, duke cenuar kështu rëndë interesat e Shqipërisë, Kosovës, shqiptarëve në Maqedoni, Mal të Zi, Serbi e kudo ku ata jetojnë, ky tashmë është një fakt i hidhur për ne,” thotë Shehu, i cili duket më i shqetësuar sa vetë presidenti amerikan Donald Trump lidhur me votimin e vendeve në OKB.
