Një 33 vjeçar të premten në darkë ka mbetur i plagosur me armë zjarri në rrethana ende të paqarta në një dhomë hoteli në Ksamil. Burime nga policia thanë se rreth orës 20:45, në spitalin e Sarandës ka shkuar një 33-vjeçar për ndihmë mjekësore, Argjirolajm.net sjell pamjet e momentit kur i plagosuri po transportohet në spitalin e Sarandës. Policia e Sarandës ka zbardhur plagosjen me armë zjarri të 33-vjeçarit, të ndodhur mbrëmjen e sotme brenda dhomës së një hoteli në Ksamil. Policia ka identifikuar dhe arrestuar autorin e plagosjes, 28-vjeçarin Edison Vyzaj, banues në Shkodër. Sipas policisë, ngjarja ka ndodhur nga pakujdesia.
Njoftimi i plotë:
Si rezultat i reagimt të shpejtë dhe veprimeve profesionale të kryera nga Grupi Hetimor u bë e mundur zbardhja e ngjarjes dhe arrestimi në flagrancë i shtetasit Edison Vyzaj, 28 vjeç banues në Shkodër. Nga veprimet e para hetimore rezultoi se rreth orës 20:45, në një dhomë hoteli në Ksamil, nga pakujdesia shtetasi Edison Vyzaj ka plagosur 33 vjeçarin, i cili ndodhet në spital, jashtë rrezikut për jetën. Shërbimet e Policisë kanë gjetur e sekuestruar në cilësinë e provës materiale armën e zjarrit pistoletë. Grupi hetimor vijon punën për zbardhjen dhe dokumentimin e plotë të rrethanave të ngjarjes.
