72 shtretër dhe dyshekë ortopedikë, si dhe komodina janë dhuruar për Spitalin Rajonal të Gjirokastrës, për pacientët që marrin trajtim shëndetësor. Lajmin e mirë e ka bërë të ditur Ministri i Bujqësisë dhe njëherësh deputeti i qarkut, Bledi Çuçi përmes një postimi në Facebook. Gjithashtu në këtë postim bëhet me dije se kompletimi me infrastrukturën e nevojshme do të bëhet edhe për Spitalin e Përmetit dhe atë të Tepelenës.
Postimi i plotë:
“Me iniciativën time si deputet i qarkut Gjirokastër dhe ndihmën e çmueshme të mjekut nga Dortmundi, Dr.Heinrich Schnatmann, bëmë sot një donacion të rëndësishëm për spitalin rajonal “Omer Nishani”; dhuruam një set me 72 shtretër e dyshekë ortopedikë, si dhe komodina që do të jenë në dispozicon të pacientëve.🙏Spitali i Gjirokastrës është shumë i rëndësishëm pasi mbulon nevojat për shërbim mjekësor të banorëve në jug të vendit. 🤝 Mjekët këtu kanë bërë e po bëjnë një punë të jashtëzakonshme, sidomos në këto kohë të vështira pandemie, por pa patur infrastrukturën e nevojshme natyrisht që nuk mund të japin dot maksimunin e tyre.👉 Këtë iniciativë si deputet i qarkut, do ta vazhdoj edhe me spitalin e Tepelenës e Përmetit, të cilët ndonëse kanë kapacitete më të vogla në krahasim me Gjirokastrën, do duhet të jenë të kompletuar me infrastrukturën e domosdoshme dhe të kohës për t’iu shërbyer pacientëve. 🚑 Falënderoj pa masë Dr.Heinrich Schnatmann, për gatishmërinë e menjëhershme që tregoi pas kërkesës time për ndihmë, si dhe Ministrinë e Shëndetësisë që mundësoi transportin e këtij seti.🙏”
