Banorët e Big Brother VIP kanë rrëfyer mbrëmjen e djeshme historitë e dashurisë që kanë përjetuar. Donaldi ka folur për një histori gjatë kohës kur ka qenë në një moshë të re. Teksa po shijonte një gotë verë me banorët, aktori tha se ishte dashuruar me një vajzë gjatë kohës kur kishte qenë në gjimnaz.
Në një moment, ai rrëfeu se partneren e tij e ndiqte një person me makinë dhe kur ky e vuri re u përfshi në një konflikt fizik me të, por personi në fjalë e denoncoi në polici. “Më denoncoi, por nuk ishte diçka serioze, dhashë deklaratën time dhe aq. Por kam qenë shumë xheloz, i sëmurë fare.”, tha Donaldi.
Donaldi e ka thënë dhe më parë që është natyrë xheloze. Donaldi krijoi një lidhje me Beatrix Ramosaj brenda shtëpisë së Big Brother. Kjo e fundit i ka kushtuar dhe një këngë.
