Dy persona janë arrestuar nga policia kufitare në pikën e Tre Urave në Përmet. Raul Bodlli, 20 vjeç, banues në Shijak dhe Klajdi Reka, 23 vjeç banues në Durrës u arrestuan pasi në Pikën e Kalimit Kufitar Tre Urat, Përmet, në dalje, shërbimet e Policisë Kufitare gjatë kontrollit në automjetin me targa AA 864 TV, në pronësi të shtetasit Raul Bodlli gjetën e bllokuan në cilësinë e provës materiale 43 kilogramë e 409 gramë lëndë narkotike të dyshuar Cannabis Sativa.
Gjithashtu u bë sekuestrimi i mjetit me të cilin po bënin transportin. Materialet i kaluan Prokurorisë pranë Gjykatës së Shkallës Parë Gjirokastër për veprime të mëtejshme, për veprat penale “Prodhimi dhe shitja e narkotikëve” dhe ” Trafikimi i narkotikëve” e kryer në bashkëpunim.
