Detaje të reja kanë dalë në lidhje me arrestimit e autorit të plagosjes së efektivit Edlir Alleshit nga Klered Bozhanaj. Mësohet se pas plagosjes së Alleshit në kërkim për 42-vjeçarin kanë zbritur në terren 600 efektivë policie.
Bozhanaj u arrestua mbrëmjen e sotme pranë banesës së tij, teksa po tentonte që të hynte në shtëpi. Disa efektivë kanë qenë nën ruajtje të banesës dhe në momentin që Bozhanaj ka shkuar për të hyrë brenda, i kanë vënë prangat. Gjatë kontrollit, Bozhanajt iu gjet me vete arma e plagosjes si dhe lëndë narkotike kanabis.
Si ndodhi ngjarja?
Ngjarja ndodhi ditën e kaluar, në “Kinostudio”, në rrugën “Hysen Xhura”, ku gjatë ndjekjes, Bozhanaj i cili ishte i armatosur ka hapur zjarr në drejtim të Forcave “Shqiponja”, dhe si pasojë mbeti i plagosur me një plumb në bark efektivi i “Shqiponjave”. Ai u dërgua menjëherë në spital dhe ndodhet jashtë rrezikut për jetën.
