Ish- zyrtarë të klubit të Luftëtarit pritet të kallëzohen gjatë javës së ardhshme në Prokurori nga Bashkia Gjirokastër. Burime të Argjirolajm.net mësojnë se tashmë është përgatitur një dosje, ku sipas bashkisë janë dokumentuar një sërë shkeljesh dhe abuzime me fondet publike që shkonin te klubi përmes faturave fiktive. Kallëzimin në Prokurori e paralajmëroi edhe kryetari i Bashkisë Gjirokastër, Flamur Golemi, gjatë një polemike që pati me presidentin e Luftëtarit, Bekim Halilaj. Ende nuk dihet se kush do të jenë personat e kallëzuar, por nuk përjashtohet që në listë të jetë edhe ish-kryebashkiakja, Zamira Rami.
©argjiroja.net
