Në Gjirokastër duan që të mbajnë për sezonin e ardhshëm pjesën më të madhe të titullarëve të këtij sezoni. Ku mes tyre bien në sy emrat e Albano Aleksin dhe brazilianit Xhekson Ferreira, në fakt dy lojtarë që kanë lënë mbresa në dy sezonet e fundit dhe padyshim që kanë rënë në syrin e skuadrave më të mira të Superiores sonë.
Por, të dy lojtarët që duket se u mbaron kontrata nuk kanë ndërmend që të qëndrojnë në Gjirokastër. Nga sa bëhet e ditur, klubi gjirokastrit u ka kërkuar që të rinovojnë, por deri më tani nuk ka asnjë lëvizje konkrete, çka të lë të kuptosh se e ardhmja e tyre në verë është jashtë Gjirokastrës.
Gjithsesi, te Luftëtari e kanë mendjen aktualisht te ndeshja e radhës me Skënderbeun e cila zhvillohet në Gjirokastër, të shtunën. Synimi vetëm është marrja e 3 pikëve për të konsoliduar pozitat në tabelën e renditjes dhe për t’iu larguar akoma më shumë rrezikut të rënies nga kategoria.
