Policia e Gjirokastrës ka goditur një tjetër rast të kultivimit të bimëve narkotike në Lazarat.
Sipas njoftimit të Policisë, me anë të dronit janë konstatuar 48 bimë narkotike, ndërsa është arrestuar si kultivues i tyre shtetasi P.GJ, ndërsa ky është rasti i tretë brenda pak ditësh i goditur në këtë fshat.
Në njoftim thuhet se bimët janë konstatuar nëoborrin e banesës së tij në fshatin Lazarat, ndërsa një pjesë e vogël e tyre u sekuestrua në cilësinë e provës materiale, pjesa tjetër u asgjësua nëpërmjet djegies.
“Si rezultat i shtimit të kontrolleve në të gjithë territorin e qarkut, shërbimet e Komisariatit të Policisë Gjirokastër, në bashkëpunim me shërbimet e DVP Gjirokastër, goditën një tjetër rast të kultivimit të bimëve narkotike, për të cilin u arrestua në flagrancë shtetasi P. Gj..
Në oborrin e banesës së tij në fshatin Lazarat, u gjetën të kultivuara 48 bimë të dyshuara narkotike Cannabis Sativa.
Një pjesë e vogël e bimëve u sekuestrua në cilësinë e provës materiale, ndërsa pjesa tjetër u asgjësua nëpërmjet djegies.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme”, thuhet në njoftim.
