Luftëtari mbylli dje paradite përgatitjet në fushën e stadiumit “Gjirokastra”.Nën urdhrat e stafit teknik ishin plot 28 lojtarë, megjithatë vetëm 18 prej tyre do të jenë të gatshëm për të sfiduar kurbinasit në transfertë. Ruçi, Athanasopulos, Liçaj, Jakovljeviç, Beqiri, Xhekson, Aleksi, Ramadani, Abazaj, Rroca, Bregu, Shkurtaj, Toledo, Janku, Aurelio, Minga, Rrapo dhe i riu Ziaji u grumbulluan mbrëmë.
Luftëtari nuk udhëtoi i plotë drejt Laçit dje. Stafi teknik duhet t’i bëjë llogaritë pa dy të dëmtuarit, Oltion Rrapa dhe Eri Lamçja. Si mbrojtësi, ashtu edhe sulmuesi, nuk u grumbulluan, pasi janë të dëmtuar.
Edhe pse Hasan Lika e ka “vulosur” ekipin me të cilin do të përballojë bardhezinjtë, kur pyetet nëse ka apo jo dilema, përgjigjet kështu: “Të gjithë lojtarët janë të gatshëm për fat, me përjashtim të Rrapës dhe Lamçes të dëmtuar, por këta do të zëvendë- sohen me të tjerë lojtarë cilësorë. Nuk mund t’ju them se cili do të jetë në fushë, por e sigurt është se do të përfaqësohemi me më të mirët në fushë”. Formacioni i mundshëm: Ruçi, Liçaj, Jakovljeviç, Beqiri, Xhekson, Aleksi, Ramadani; Abazaj, Rroca, Bregu, Shkurtaj; Skema: 4-2-3-1 Trajner: Hasan Lika.
