Dy persona në Gjirokastër do të bëjnë edhe tre muaj burg pas një vendimi të Gjykatës së Apelit. Ata ishin arrestuar kohë më parë dhe qëndruan për një periudhë në qeli. Por me vendim të gjykatës së shkallës së parë dolën me një dënim më të lehtë. Apeli vendosi rikthimin e tyre në burg për tre muaj.
Më poshtë njoftimi i Policisë Gjirokastër.
Specialistët e Seksionit për Hetimin e Narkotikëve dhe Trafiqeve në DVP Gjirokastër, në vijim të punës për kapjen dhe vënien përpara përgjegjësisë ligjore të personave të shpallur në kërkim, bënë të mundur kapjen dhe ndalimin e shtetasve I. M., 60 vjeç, banues në Gjirokastër dhe Ç. T., 50 vjeç, banues në Gjirokastër. Kapja dhe ndalimi i shtetasve të mësipërm u bë pasi, Gjykata e Posaçme e Shkallës së Parë për Korrupsionin dhe Krimin e Organizuar Tiranë i ka dënuar(secilin) me nga 3 vite e 4 muaj burgim, për veprën penale “Ndihmë për kalim të paligjshëm të kufirit”. Materialet në ngarkim të shtetasve I. M. dhe Ç. T. i kaluan Prokurorisë së Posaçme Kundër Korrupsionit dhe Krimit të Organizuar Tiranë për veprime të mëtejshme.
