Një foshnjë e porsalindur në Izrael ka humbur jetën nga koronavirusi. Sipas mjekëve foshnja ishte infektuar nga placenta. Nëna e foshnjës, një 29-vjeçare u shtrua në spital pasi kishte ethe. Ajo rezultoi pozitive me covid dhe pas testeve të bëra pas lindjes u zbulua gjithashtu se dhe foshnja ishte e infektuar.
Është rasti i parë që një foshnjë infektohet nga placenta me covid në Izrael dhe një rast i rrallë në botë, tha në një deklaratë ministria e shëndetësisë së vendit. Nëse nëna do të ishte vaksinuar, kur ishte 3 muajshe, foshnja do të kishte shpëtuar tha njëri prej mjekëve. Izraeli është i vetmi vend deri më tani që ka treguar sukses në shkallën e vaksinimit, duke demonstruar gjithashtu se dy doza të vaksinës Pfizer mund të ulin rrezikun e sëmundjes me 94% për personat mbi 55 vjeç.
