Me të vërtetë është për t’u habitur, por ndjekësit e Babis Anagnostopoulos, 32-vjeçarit që vrau bashkëshorten në Glyka Nera, po shtohen vazhdimisht në profilin e tij në Instagram.
Mësohet se psikologu i policisë greke që bisedoi me të akuzuarin, e analizoi këtë sjellje të përdoruesve të rrjeteve sociale, duke theksuar se njerëzit po jetojnë gjithnjë e më shumë përmes mediave sociale, pa u marrë me jetën reale ose duke marrë parasysh që jeta e tyre normale është përmes telefonit celular.
“Le të themi që ky çift në rrjetet sociale dukej shumë i lumtur. Sidoqoftë, kjo ngjarje tragjike që ka ndodhur, tregon se çifti ndoshta nuk ishte aq popullor sa dukej në mediat sociale”, tha ai.
Në të njëjtën kohë, psikologu shpjegoi rritjen e ndjekjes në rrjetet sociale.
Sipas tij ekzistojnë dy lloje ndjekësish; Kuriozët dhe të tjerët, të cilët hyjnë në profil për ta mallkuar dhe shprehur zemërimin e tyre ndaj pilotit.
“Nga komentet në 2-3 postimet e para duket se përdoruesit i urojnë për më të keqen që mund të imagjinohet dhe për këtë arsye ata e ndjekin atë. Ata gjithashtu e ndjekin atë për të shkruar komente të tilla dhe për të parë se çfarë ndodh. Plus edhe reagimet dhe përgjigjet mes komenteve“.
Në fillim, siç tha psikologu, ata panë pilotin me keqardhje dhe madje mund të dëshironin t’i shkruanin një mesazh mbështetjeje, duke parë një të ri që kishte humbur gruan e tij, ndërsa tashmë që ngjarja u zbulua po ndodh e kundërta.
Në lidhje me postimin që piloti bëri 5 ditë pas vrasjes së Caroline, një foto martese duke shkruar “Përgjithmonë së bashku” psikologu shpjegoi se ishte lëvizje kurth, e menduar nga piloti që askush të mos dyshonte, madje për të gënjyer edhe policinë.
“Një burrë që përjeton një ngjarje kaq tragjike nuk i shkon mendja të komplimentojë policinë ose të ngarkojë një postim në Instagram”, tha ai.
Por fundi i “teatrit” erdhi pas 37 ditësh, kur gjithçka u zbulua.
