Një aksident me plagosjen rëndë të dy personave është regjistruar në orët e pasdites së sotme në Gjirokastër.
Burime nga vendi i ngjarjes bëjnë me dije se dy automjete janë përplasur mes tyre në vendin e quajtur kthesa e Picarit.
Për pasojë janë plagosur dy persona, të cilët janë dërguar në spitalin “Omer Nishani”, si dhe është lënduar lehtë një tjetër person.
ArgjiroLajm.net zbardh identitetin e tyre. Ata janë Aleko Elmazi 44 vjeç, banues në Sarandë, Sejan Tuku 57 vjeç, banues në Memaliaj dhe Lorenc Mullaraj 26 vjeç, banues gjithashtu në Memaliaj.
Në vendin e ngjarjes u ndodh rastësisht edhe kryebashkiakja e Gjirokastrës, Zamira Rami, e cila u ndodh rastësisht në vendin e ngjarjes dhe lajmëroi policinë.
Kjo e fundit nuk ka bërë ende një reagim për ngjarjen, por ka nisur hetimet për të zbardhur shkaqet e aksidentit.
/ArgjiroLajm.net
