Disa banorë janë paraqitur ditën e sotme para Gjykatës së Shkallës së Parë në Gjirokastër, duke protestuar pasi kërkojnë shkarkimin e gjyqtares Ema Shaholli, pasi sipas tyre është e korruptuar dhe ka marrë vendime të padrejta ndaj tyre.
Banorët e kanë kallëzuar gjyqtaren në SPAK, pasi mendojnë se ka dhënë në vendim të padrejtë për pronat e tyre. 100 familje te fshatit Nivicë Sarandë , bëjnë me dije se janë në një proces gjyqësor pranë Gjykatës Administrative Gjirokastër me Ashk Sarandë për tokën në Kakome për të cilën thonë se i sorollasin dhe nuk i pajisin me dokumentacionin e duhur.
Banorët u shprehën se gjatë procesit për marrjen e tokave ato janë hasur me një vendimarrje të paracaktuar nga gjyqtarja Ema Shaholli. Sipas tyre ajo ka vendosur moskompetencë dhe e ka dërguar çështjen në Vlorë, por ato shprehen se ASHK-ja që i mbulon është në Sarandë.
“Për mua është një rrugaçe. Ne do të presim sepse kemi folur me avokatin. Kemi çertefikata pronësie, asgjë nuk na kanë thënë. Kam 1000 metra e kam me tapi. Ema Shaholli vajze e re është e turpshme cfarë drejtësie do të bëjë ajo. Nuk na lë të themi asnjë llaf dhe dha një vendim me plot arrogancë. Dha vendimin që ta çojë në Vlorë, kur ASHK-në e kemi në Sarandë. Na ka dhënë një vendim të papërgjegjshëm.
Gjate ketij procesi jemi hasur me nje vendimarrje te paracaktuar, te pabazuar ne ligj e ne prova nepermjet se cilës gjyqtarja Ema Shaholli ka vendosur moskompetencë dhe dërgimin e çështjes në Vlorë.
Ne kemi dyshime se kjo gjyqtare është e korruptuar, pasi ASHK Sarandë është një institutcion i cili është në varsi të Gjykatës Administrative Gjirokastër dhe jo në varësi të Gjykatës Administrative Vlorë, dhe njëkohësisht duke qenë se dhe ne fshat paraprakisht kemi dëgjuar fjalë se ky vendim do te merej diten e sotme në këtë variant na shton dyshimet se çështja jonë është nxjerr në pazar, dhe vërtetohet fakti se kjo gjyqtare është e Korruptuar.”- thanë banorët.
